الشيخ سالم عبد الجليل العقيدة النصرانية فاسدة وعلى ضلال
صرح الشيخ سالم عبد الجليل وهو مستشار المجلس الأعلي للشئون الإسلامية فى مصر، والوكيل السابق لوزارة الأوقاف المصرية ، إن عقيدة اليهود والنصاري (المسيحية) عقيدة فاسدة ، ولكن لهم عندنا التعايشوالمعاملة الحسنة فقط .
وأضاف الشيخ عبد الجليل خلال حلقة برنامج “المسلمون يتساءلون” المذاعة مساء أمس الثلاثاء على قناة المحور أنه “المقصود بالآية القرآنية من كفروا بعد إيمانهم يكون اليهود لعلهم بعض النصاري لأنهم آمنوا بموسي وآمنوا بعيسي وكفروا بمحمد، نذكرهم بمحمد، فيقولوا لأ احنا كدة كويسين”.
وواصل عبد الشيخ عبد الجليل خلال الحلقة التي كانت تناقش التوبة “والله المشايخ اللي بيطلعوا يقولوا للمسيحين أنتوا مؤمنين ضللوهم وما خدموهم، هيفرحوهم دلوقتي ويوم القيامة سيقف هؤلاء على الصراط وهيقولوا يارب فلان دة قالنا انتوا مؤمنين ضللنا، جايز لو كان قال لنا لأ انتوا غلط كنا فكرنا”.
وتابع عبد الجليل “انتبهوا يا مشايخ اللهم بلغت اللهم فاشهد، يا يهود ويا نصارى أنتوا طيبين وبشر وهنعاملكم كويس لكن الفكر اللي انتوا عليه والعقيدة اللي انتوا عليها عقيدة فاسدة، ارجعوا لربكم”.
واسترسل “أنتوا أخواتنا ونعيش مع بعض في هذا العالم حتى لو خارج أوطانا مش بس في الوطن، لكم عندنا المعاملة الحسنة، لكن من حيث العقيدة لازم تعرف كويس انه لأ انت على ضلال، عشان متجيش تقول محدش قالي، أصل المشايخ قالوا أنتوا صح أنتوا مؤمنين”
وأضاف “لما هيجي يوم القيامة اللي كانوا مؤمنين بالمسيحية إيمان صحيح قبل النبي محمد ولما بعث النبي كفروا، هيتقال لهم إن الذين كفروا بعد إيمانهم ثم ازدادوا كفرًا لما ذكروا بالرسول محمد كانوا بيزدادوا كفرًا، لن تقبل توبتهم، وعند الحشرجة ينتظروا عيسي الله ليخلصهم فإذا بهم يدركون، مش هيلاقوا سيدنا عيسي مش هيلاقوا غير ملائكة العذاب وملائكة الموت، ساعتها هيبقي عايز يرجع، هيقولوا له خلاص معدش ينفع، لن تقبل توبتهم فهؤلاء هم الضالون”.
شاهد الفيديو من هنا
ويصف سالم عبد الجليل نفسه على صفحته الرسمية بأنه عالم أزهري وسطي،و داعية اسلامي، باحث اكاديمي، واستاذ جامعي،و قيادة دينية.
