انقذوا اثار مارينا العلمين

ركز فى اللى هقولهولك ده كويس عشان كلام خطير جدا

فى العلمين عند منطقة مارينا كده فى حتة ارض مملوكة للاثار بالقرار 1743 لسنة 2000 الارض دى مساحتها 90 فدان.

فى البداية حاول الفريق احمد شفيق انه ياخد 12 فدان من الارض لما كان وزير طيران مدنى سنة 2010 عشان يعمل طريق عرضه 15 متر "ايه علاقة وزارة الطيران بالطرق متعرفش"

بعدها حاول وزير الاسكان د. مصطفى مدبولى ياخد 30 فدان "تلت الارض تقريبا" عشان يبيعها عن طريق وزارته لاتحاد ملاك مارينا و طلبه اترفض لانه مخالف للقانون.

لما جه خالد العنانى وزير للاثار طلب منه مصطفى مدبولى الارض فخالد معترضش و حول الملف على اللجنة الدائمة "هى اللى بتقرر" وكان لسه فى ناس فى اللجنة الدائمة تقدر تقول لا و اترفض الطلب.

خالد عنانى وزير الاثار الحالى اللى مصطفى مدبولى اللى بقى رئيس وزراء جددله الثقة وافق على ضم 30 فدان من ارض الاثار لمستثمرين مارينا .

ايه اهمية الارض دى ؟

بص يا سيدى الارض دى عبارة عن اطلال مدينة قديمة من سنة 50 قبل الميلاد بتضم بقى منازل كتير نادرة فى تصميمها " فى بعض التصميمات على شكل فيلات زي بتاعتنا دلوقت"

بتضم كمان مقابر كتير مدفونة محدش لسه اشتغل على اكتشاف اللى فيها " و طبعا ده عز طلب المستثمرين"

بتضم كنيسة بترجع للقرن التانى الميلادى على اقصى تقدير "بص فى الصور"

المنطقة بتضم اثار يونانى و رومانى و قبطى و بتعتبر اقدم ميناء ملاحى معروف و موثق فى مصر.

الارض دى من اهم المواقع الاثرية فى مصر بتتوزع على المستثمرين عشان وزير يفضل قاعد على الكرسى ورئيس وزراء ينفذ استثمار قديم معرفش يعمله وهو وزير.

طموحات و احلام سيادتهم مبنية على اثار مصر و كأن مهربن الاثار مقصرين مع التاريخ المصرى فجه الوزير و رئيس الوزراء عشان يكملوا على اللى بيعمله مهربين الاثار عشان نجيبها ارض ارض.

انقذوا ارض اثار مارينا العلمين من ايد خالد عنانى و حققوا معاه ازاى ينتهك القانون 117 لسنة 2010

بصوا على الصور و انزلوا على التعليقات هتلاقوا شوية مصادر مهمة للكلام ارجوكم انشروا يمكن نقدر ننقذ حاجة.

ساعدوا مع الناس اللى بتصرخ عشان تراث مصر.
نقلا عن